Rausands svar på Matt Dillon og Zeb!
Ove Robin lund heilt på topp i felthurtigskytinga
Som vi meldte i siste avisa sto Ove Robin Lund, Eidsvåg skytterlag, – bor på Rausand – på toppen like før den avsluttande felthurtigskytinga under Landsskyttarstemnet torsdag ettermiddag. Og det viste seg at Ove Robin Lund vart klart best av alle i konkurranse med 4000 skyttarar med fine 7,79 sekund. Da hadde han klart å plassere sine treff på fire forskjellige sjølvisande skiver. Og den unge mannen hadde sikra seg den ettertrakta Raufoss-pokalen.
Den skytinga som Ove Robin Lund vann på Landsskyttarstemnet er den som er mest «lik» den vi beundrar på fjernsynsskjermen. Så lynrask var Lund til å «trekkje» at det ligg nære til å sammenlikne med våre heltar Matt Dillon og Zeb.
Ove Robin Lund skyt i 4. klassen.
I klasse 3 var det 413 som fekk premie, og det var serleg to rindalingar som gjorde det fint, nemleg Lars Kirkholt og Odd Erik Heggem. Ove Robin Lund var den einaste som kom under 8 sekund i denne skytinga som er liggande, men med ståande stilling og sikra gevær ved foten i startfasen.
Heldigvis er Ove Robin Lund en fredsæl mann. Her fotografert like etter den lynraske skytinga på Skotten (se bildet over).
PS: Ove var ikke medlem av Tjelle skytterlag på den tiden, men ble senere medlem.
Siste kommentarer